پير رکيل ريلائي: پير رکيل ريلائي، پير خان محمد جي گهر ۾ 1830ع ڌاري ڳوٺ درس تعلقي موري ۾ پيدا ٿيو. ريلائي پير، مخدوم رڪن الدين جي اولاد مان آهن، جيڪو ڪوٽ ڪروڙ ۽ ديري جات مان سنڌ ۾ آيو هو. سندس خانداني سلسلو حضرت صديق رضه'>ابوبڪر صديق رضه سان ملي ٿو. پير رکيل ريلائيءَ کي ننڍپڻ کان ئي سير ۽ سياحت جو گهڻو شوق هوندو هو. سنڌ جي گهڻن بزرگن سان سندس رفاقت رهي. سندس ڪيتريون ئي ڪرامتون عام ماڻهن وٽ ملن ٿيون، سندس درگاهه تي 27، 28 ۽ 29 محرم تي ميلو لڳندو آهي، جنهن ۾ هزارين عقيدتمند گڏ ٿيندا آهن. ميلي ۾ ٽئي ڏينهن ملاکڙو لڳندو آهي. درگاهه جي ڀر ۾ڌنراج مل ڪاٺين واري جي کُوهي کڻايل آهي. سندس وفات جو سن 1915ع ٻڌايو وڃي ٿو.
1830.00.00 عيسوي
پير رکيل ريلائي 1830ع ڌاري ڳوٺ درس تعلقي موري ۾ پيدا ٿيو
1915.00.00 عيسوي
پير رکيل ريلائي جي وفات جو سن 1915ع ٻڌايو وڃي ٿو